पुणे,: पुणे –भारताची सांस्कृतिक राजधानी म्हणून ओळखले जाणारे हे शहर यावर्षी देशातील क्विक-कॉमर्ससाठी एक महत्त्वाचे बाजारपेठ म्हणून पुढे आले आहे. हाऊ इंडिया इंस्टामार्टेड 2025 अहवालानुसार, यंदा देशातील सर्वात जलद आयफोन डिलिव्हरी पुण्यातच झाली. अगदी नव्या कोऱ्या आयफोनची डिलिव्हरी केवळ 3 मिनिटांत ग्राहकापर्यंत पोहोचली आणि अनबॉक्सिंग व्हिडिओ पाहण्याआधीच फोन हातात आला.
एका इन्स्टामार्ट अकाउंटवर केवळ बटाटा चिप्सच्या प्रेमासाठीच तब्बल 1.5 लाख रुपये खर्च करण्यात आले. पुणेकरांनी जसे स्नॅक्सवर मनसोक्त ताव मारला, तसेच फिटनेसकडेही तितक्याच जोमाने लक्ष दिले. यंदा स्पोर्ट्स आणि फिटनेस या श्रेणीमध्ये वर्षभरात 475 टक्क्यांची वाढ नोंदली गेली असून, यामुळे पुणे भारतातील आरोग्य आणि वेलनेसकडे सर्वाधिक जागरूक शहरांपैकी एक म्हणून ठळकपणे पुढे आले आहे.
स्विगी चे चीफ बिझनेस ऑफिसर हरी कुमार गोपीनाथन म्हणाले, “भारतात क्विक कॉमर्स आता केवळ सोयीपुरता मर्यादित राहिलेला नाही. तो आधुनिक भारतीय जीवनशैलीचा एक अविभाज्य भाग बनला आहे. सुरुवातीला शेवटच्या क्षणी लागणाऱ्या वस्तू किंवा अचानक होणाऱ्या खरेदीपुरता मर्यादित असलेला हा प्रवास आता नियोजित खरेदी आणि मोठ्या किमतीच्या वस्तूंपर्यंत पोहोचला आहे, दैनंदिन गरजेच्या वस्तूंपासून ते प्रीमियम वस्तूंपर्यंत. तातडीची गरज असो, थोडी लक्झरी खरेदी असो किंवा रोजच्या वापरातील वस्तू असोत, लोकांना जे काही हवे आहे त्यासाठी इन्स्टामार्ट एक विश्वासार्ह भागीदार म्हणून स्वतःला सिद्ध करत आहे. आमच्याकडून अपेक्षित असलेली वेगवान आणि विश्वासार्ह सेवा देत राहणे, हेच आमचे वैशिष्ट्य आहे.”
2025 मध्ये पुण्याने इन्स्टामार्टवर सर्वाधिक काय मागवले:
- रात्री उशिरा खरेदी करणारे पुणेकर: मध्यरात्रीनंतरच्या इन्स्टामार्ट ऑर्डर्समध्ये दही आणि मिनरल वॉटरला सर्वाधिक मागणी होती. यामुळे पुणेकरांच्या रात्रीच्या खाण्यापिण्याच्या सवयी स्पष्ट झाल्या.
- घरगुती चव आणि जागतिक फ्लेवर्सचा संगम: सॉसेस, चीज, मांस, मासे, भाज्या, ब्रेड आणि स्वयंपाकासाठीचे तेल यांसारख्या वस्तूंमध्ये पुणे इन्स्टामार्टच्या टॉप शहरांपैकी एक ठरले. यावरून घरगुती स्वयंपाकासोबतच जागतिक चवींचीही पुणेकरांना आवड असल्याचे दिसून आले.
- क्यूआयएम विक्रीदरम्यान खरेदीत मोठी उसळी: इन्स्टामार्टच्या सणासुदीच्या द क्विक इंडिया मुव्हमेंट सेलदरम्यान पुण्यात मखाणा, कोरियन सॉसेस, हँड सॅनिटायझर आणि नाचोज यांची खरेदी लक्षणीय वाढली. आरोग्यदायी स्नॅक्स, वेगवेगळ्या देशांच्या खाद्यसंस्कृतीचा प्रयोग आणि स्वच्छतेच्या गरजांमुळे ही वाढ झाली.
पुण्यातील मोठे खर्चिक ग्राहक आणि ट्रॅफिकपेक्षा वेगवान डिलिव्हरी
- 13 लाख रुपयांचा इन्स्टामार्ट चॅम्पियन: पुण्यातील सर्वाधिक खर्च करणाऱ्या ग्राहकाने दैनंदिन गरजेच्या वस्तू, आवडीचे खाण्यापिण्याचे पदार्थ, लाइफस्टाइल वस्तू आणि सणासुदीची खरेदी यांचा समतोल साधत एक भक्कम शॉपिंग कार्ट तयार केला.
इच्छांची यादी वाढवणारे शहर
2025 हे वर्ष पुण्यासाठी केवळ किराणा खरेदीपुरते मर्यादित राहिले नाही. इन्स्टामार्टचा वापर आता बेकरी पदार्थ, वाहनांची देखभाल, पादत्राणे, स्पोर्ट्स आणि फिटनेस, खेळणी, कपडे, घरगुती साहित्य, इलेक्ट्रॉनिक्स आणि मेकअपपर्यंत पोहोचला आहे. या सर्व श्रेणी पुण्यात सर्वाधिक वेगाने वाढणाऱ्या ठरल्या. लोकांच्या खर्चाची क्षमता वाढत आहे, शॉपिंग कार्ट भरभरून भरत आहेत आणि सोयीसाठी कोणतीही तडजोड न करता पुणेकर इन्स्टामार्टची निवड करत आहेत.
दरम्यान, 2025 मध्ये उर्वरित भारत फक्त खरेदी करत नव्हता, तर इन्स्टामार्टच्या मदतीने दैनंदिन जीवन अधिक सोपे आणि कार्यक्षम बनवत होता. दूध देशातील क्रमांक एक गरजेची वस्तू ठरली. भारतात दर सेकंदाला 4 पेक्षा जास्त दूधाच्या पिशव्या ऑर्डर केल्या गेल्या, एवढ्या की त्यातून तब्बल 26,000 ऑलिम्पिक आकाराचे जलतरण तलाव भरू शकतील. मोठ्या खरेदीतही भारत आघाडीवर राहिला. हैदराबादमधील एका युजरने वर्षातील सर्वात मोठी सिंगल कार्ट ऑर्डर 4.3 लाख रुपयांची केली, ज्यामध्ये तीन आयफोन 17 प्रोचा समावेश होता.