शहर

९.५४ लाख वीजग्राहकांना ‘स्मार्ट’ योजनेतून सौर प्रकल्पाची सुवर्णसंधी; ३७,७७२ चे उद्दिष्ट

पुणे, दि. १८ मे, २०२६: चालू मे महिना देशभरात ‘सोलार महिना‘ म्हणून साजरा केला जात आहे. या निमित्ताने ‘पंतप्रधान सूर्यघर मोफत वीज योजने’ला गती देण्यासाठी आणि नागरिकांमध्ये जनजागृती निर्माण करण्यासाठी विविध स्पर्धांचे आयोजन करण्यात आले आहे. याच संधीचा फायदा घेत स्वयंपूर्ण महाराष्ट्र आवासीय रूफ टॉप (स्मार्ट) योजनेअंतर्गत पुणे परिमंडलातील पात्र ९,५४,३५४ ग्राहकांना आपल्या घराच्या छतावर १ किलोवॅट क्षमतेचा सौर ऊर्जा प्रकल्प अत्यंत अल्प खर्चात बसविण्याची मोठी संधी उपलब्ध झाली आहे. महावितरणने या योजनेचा लाभ घेण्याचे आवाहन केले असून, पुणे परिमंडलासाठी ३७,७७२ सौर प्रकल्प उभारण्याचे उद्दिष्ट  निश्चित केले आहे.   या योजनेचा मुख्य उद्देश दारिद्र्यरेषेखालील आणि आर्थिकदृष्ट्या दुर्बल घटकातील, महिना १०० युनिटपेक्षा कमी वीज वापरणाऱ्या घरगुती ग्राहकांना मोफत वीज मिळवून देणे हा आहे. या प्रकल्पामुळे पात्र ग्राहकांना पुढील सुमारे २५ वर्षे मोफत वीज मिळणार आहे. ही योजना ‘प्रथम येणाऱ्यास प्रथम प्राधान्य’ या तत्त्वावर राबविण्यात येत आहे. त्यासाठी महावितरणकडून विविध पातळीवर प्रयत्न केले जात आहेत.   भरावयाची रक्कम आणि मिळणारे अनुदान १ किलोवॅट क्षमतेचा सौर ऊर्जा प्रकल्प बसविण्यासाठी केंद्र सरकार पंतप्रधान सूर्यघर मोफत वीज योजनेतून ३०,००० आणि राज्य सरकारकडून १७,५०० रुपयांपर्यंत अनुदान देत आहे. लाभार्थी ग्राहकाला अनुक्रमे दारिद्र्यरेषेखालील ग्राहक: केवळ ₹२,५००, अनुसूचित जाती व जमाती ग्राहक: ₹५,००० तर आर्थिकदृष्ट्या दुर्बल घटकातील सर्वसाधारण ग्राहकांना केवळ ₹१०,००० भरावे लागणार आहेत. उर्वरित सर्व रक्कम केंद्र व राज्य शासनाकडून अनुदान स्वरूपात वर्ग केली जात असल्याने ग्राहकांवर कोणताही मोठा आर्थिक भार पडणार नाही. अर्ज कुठे आणि कसा करावा ? ग्राहकांनी प्रथम केंद्र सरकारच्या ‘पीएम सूर्यघर’ मोबाईल ॲप किंवा अधिकृत संकेतस्थळाला भेट द्यावी. तसेच महावितरणच्या ‘iSMART’ या अधिकृत पोर्टलवर ऑनलाईन अर्ज भरावा. अधिक माहितीसाठी किंवा अर्ज प्रक्रियेत मदतीसाठी महावितरणच्या संबंधित शाखा किंवा उपविभागीय कार्यालयाशी संपर्क साधता येईल. पुण्यातील ३५,५२९ ग्राहकांच्या छतावर सौर प्रकल्प पुणे परिमंडलामध्ये सौर ऊर्जेचा वापर वाढवण्यासाठी नागरिकांनी नेहमीच आघाडी घेतली आहे. आतापर्यंत ३५,५२९ घरगुती ग्राहकांनी सौर प्रकल्प साकारले असून त्याची एकूण स्थापित क्षमता १७९ मेगावॅट इतकी झाली आहे. या सर्व ग्राहकांचे मासिक वीजबिल आता शून्यवत झाले असून, त्यांची वीज बिलाच्या खर्चातून कायमची सुटका झाली आहे. महावितरणकडून योजनेसाठी जनजागृती सूर्यघर योजनेची जनजागृती करण्यासाठी महावितरणने पुणे परिमंडलात ८ आणि ९ मे रोजी मोहीम राबवून ठिकठिकाणी जनजागृती करण्यात आली. १८९ गृहनिर्माण संस्थामध्ये जाऊन तेथील सभासदांना एकत्र करुन योजनेचे महत्व पटवून दिले. तसेच ३ लाख माहितीपत्रकांचे वाटप करण्यात आले. घर,‍ विविध आस्थापना, पादचारी या सर्वांपर्यंत महावितरण पोहाचले. सुवर्णसंधीचा लाभ घ्या – मुख्य अभियंता “स्मार्ट’ योजनेच्या माध्यमातून समाजातील आर्थिकदृष्ट्या दुर्बल आणि गरजू घटकांना सौर ऊर्जेच्या क्रांतीमध्ये सामील करून घेण्याचा महावितरणचा मानस आहे. १ किलोवॅटचा हा प्रकल्प ग्राहकांना वीज बिलाच्या त्रासातून कायमची मुक्ती देईल. “ — सुनिल काकडे, मुख्य अभियंता, महावितरण पुणे परिमंडल

Read More »

‘आर्ट मॅजिक’मध्ये बालचित्रकार ते हौशी कलाकारांचा कलाविष्कार

पुणे : निसर्गचित्रांच्या मनोहारी रंगछटा, महादेव, कृष्ण, गणपती यांसारख्या देवी-देवतांची विविध शैलींमधील आकर्षक चित्रे, प्रसिद्ध व्यक्तिमत्त्वांची हुबेहूब रेखाटने, चारकोल माध्यमातील…

Read More »

“कोकणातील आंबा-काजू उत्पादक शेतकऱ्यांवर अन्याय; सरकारने तात्काळ भरीव मदत द्यावी” – प्रदेशाध्यक्ष ॲड. शंकर चव्हाण

मुंबई | प्रतिनिधी : कोकणातील आंबा आणि काजू उत्पादक शेतकऱ्यांच्या आंदोलनावरून राज्यातील राजकारण तापले असताना मुंबई उच्च न्यायालयाचे अधिवक्ता तथा…

Read More »

अण्णाभाऊंच्या क्रांतिकारी विचारांचा वारसा पुढे नेण्यासाठी ‘हा ऐतिहासिक सोहळा’ सदैव प्रेरणा देईल – आमदार अमित गोरखे

सातारा, १५ मे २०२६ : क्रांतीची भूमी असलेल्या सातारा नगरीत आज एक ऐतिहासिक सोहळा उत्साहात पार पडला. राज्याचे मुख्यमंत्री ना.…

Read More »

दहावीनंतरच्या प्रथम वर्ष पदविका अभ्यासक्रमांच्या प्रवेश प्रक्रियेला २० मेपासून प्रारंभ

मुंबई, दि. १५ : दहावीनंतरच्या प्रथम वर्ष अभियांत्रिकी व तंत्रज्ञान तसेच वास्तुकला पदविका (पॉलिटेक्निक) अभ्यासक्रमांच्या शैक्षणिक वर्ष २०२६-२७ करीता प्रवेश…

Read More »