विद्यार्थ्यांचा सर्वांगीण विकास, इनोव्हेशन, शैक्षणिक गुणवत्तेला ‘सूर्यदत्त’मध्ये प्राधान्य
प्रा. डॉ. संजय बी. चोरडिया यांचे प्रतिपादन; ‘आयआयआरएफ’ क्रमवारीत सूर्यदत्त इन्स्टिट्यूट ऑफ मॅनेजमेंट अँड मास कम्युनिकेशनचे यश
पुणे: सूर्यदत्त इन्स्टिट्यूट ऑफ मॅनेजमेंट अँड मास कम्युनिकेशन (एसआयएमएमसी), पुणे या संस्थेने ‘इंडियन इन्स्टिट्यूशनल रँकिंग फ्रेमवर्क’ (आयआयआरएफ) २०२६ च्या क्रमवारीत उल्लेखनीय यश संपादन केले आहे. यामुळे भारतातील एक अग्रगण्य व्यवस्थापन संस्था म्हणून सूर्यदत्तचे स्थान अधिक बळकट झाले आहे. ‘एज्युकेशन पोस्ट’ मासिकातर्फे प्रसिद्ध झालेल्या ‘आयआयआरएफ २०२६’च्या क्रमवारीत, ‘एसआयएमएमसी’ने भारतातील टॉप १५ वेगाने वाढणाऱ्या बी-स्कूल्समध्ये देशात १४ वा क्रमांक पटकावला आहे. याशिवाय, भारतातील सर्वोत्तम बिझनेस स्कूल्सच्या एकूण क्रमवारीत ‘एसआयएमएमसी’ने राष्ट्रीय पातळीवर ४३ वे आणि राज्य पातळीवर १२ वे स्थान मिळवले आहे.
हे मानांकन सूर्यदत्त संस्थेची शैक्षणिक उत्कृष्टता, नाविन्यता (इन्व्होवेशन), उद्योग क्षेत्राशी सांगड, संशोधन आणि विद्यार्थ्यांच्या सर्वांगीण विकासाप्रती असलेली वचनबद्धता अधोरेखित करते. ही रँकिंग प्लेसमेंट कामगिरी, अध्यापन पद्धती, संशोधन, इंडस्ट्री इंटरॅक्शन आणि जागतिक दृष्टिकोन यांसारख्या निकषांवर आधारित आहे. सावित्रीबाई फुले पुणे विद्यापीठाशी संलग्न, एआयसीटीई मान्यताप्राप्त आणि महाराष्ट्र शासनाची मान्यता असलेली ‘एसआयएमएमसी’ संस्था एमबीए (एमबीए), एमसीए (एमसीए), बीबीए (बीबीए) आणि बीसीए (बीसीए) यांसारखे उद्योगाभिमुख अभ्यासक्रम राबवते. संस्थेला ‘नॅक’कडून ‘ए’ ग्रेड पुनर्मानांकित करण्यात आले आहे.
सूर्यदत्त इन्स्टिट्यूट ऑफ मॅनेजमेंट अँड मास कम्युनिकेशनला (एसआयएमएमसी) नुकताच विद्यापीठ अनुदान आयोग (युजीसी) आणि सावित्रीबाई फुले पुणे विद्यापीठाकडून ‘स्वायत्तता’ (आटोनॉमस) बहाल करण्यात आली आहे. या स्वायत्ततेमुळे संस्थेला उद्योगांच्या गरजेनुसार आधुनिक अभ्यासक्रम तयार करणे आणि नाविन्यपूर्ण शैक्षणिक पद्धती राबवणे सोपे होणार आहे.
सूर्यदत्त एज्युकेशन फाउंडेशनचे संस्थापक अध्यक्ष प्रा. डॉ. संजय बी. चोरडिया म्हणाले, “देशातील नामांकित आयआयआरएफ २०२६ रँकींमध्ये वेगाने वाढणाऱ्या आणि सर्वोत्तम बिझनेस स्कूल्समध्ये स्थान मिळणे ही एसआयएमएमसी आणि संपूर्ण सूर्यदत्त परिवारासाठी अत्यंत अभिमानास्पद गोष्ट आहे. हे यश आमच्या विद्यार्थ्यांचे यश आणि शैक्षणिक गुणवत्तेचे प्रतीक आहे. आम्ही सर्व विद्यार्थी, प्राध्यापक आणि भागीदारांचे या प्रवासातील योगदानाबद्दल आभार मानतो. नाविन्यता आणि जागतिक भागीदारी सूर्यदत्तने विद्यार्थ्यांमध्ये उद्योजकता आणि स्टार्टअप संस्कृतीला चालना देण्यासाठी ‘इंडस्ट्री ४.0 इनोव्हेशन लॅब’ आणि सिंगापूरच्या ‘सीईएआय’च्या सहकार्याने ‘आर्टिफिशियल इंटेलिजन्स सेंटर ऑफ एक्सलन्स’ची स्थापना केली आहे. राष्ट्रीय शैक्षणिक धोरणाशी (एनईपी) सुसंगत राहून संस्था विविध मूल्यवर्धित प्रमाणपत्र अभ्यासक्रम देखील चालवते.”
विद्यार्थ्यांना जागतिक अनुभव मिळवून देण्यासाठी ‘एसआयएमएमसी’ने एशियन इन्स्टिट्यूट ऑफ टेक्नॉलॉजी (थायलंड), लिंकन युनिव्हर्सिटी कॉलेज (मलेशिया), क्वांगवून युनिव्हर्सिटी (दक्षिण कोरिया), हार्वर्ड बिझनेस पब्लिशिंग आणि सिटी ऑफ ग्लासगो कॉलेज (स्कॉटलंड) यांसारख्या आंतरराष्ट्रीय विद्यापीठांशी सामंजस्य करार केले आहेत. संस्थेच्या कॅम्पस रिक्रूटमेंट प्रोग्रामद्वारे विद्यार्थ्यांना नामांकित कंपन्यांमध्ये नोकरीच्या उत्तम संधी मिळतात. सूर्यदत्त ग्रुपच्या व्यवस्थापनाने या उत्कृष्ट कामगिरीबद्दल ‘एसआयएमएमसी’चे प्राध्यापक, कर्मचारी आणि विद्यार्थ्यांचे मनःपूर्वक अभिनंदन केले आहे.
Post Views: 7
