ओला इलेक्ट्रिकची स्टायलिश Roadster X ची पुण्यात डिलिव्हरी सुरू

                 ऑफरमध्ये मोफत एक्स्टेंडेड वॉरंटी, MoveOS+ आणि एसेन्शियल केअरचा समावेश

पुणे, दि. ९ जून २०२५ – भारतातील सर्वात मोठी इलेक्ट्रिक वाहन (ईव्ही ) कंपनी असलेल्या ओला इलेक्ट्रिकने आज पुण्यात त्यांच्या Roadster X पोर्टफोलिओमधील मोटरसायकल्सची डिलिव्हरी सुरू केल्याची घोषणा केली. ओला इलेक्ट्रिक कंपनीने ‘राइड द फ्युचर’ मोहिमेअंतर्गत पहिल्या ५,००० ग्राहकांसाठी ₹१०,००० च्या ऑफरची घोषणा केली आहे. यामध्ये ग्राहकांना एक्स्टेंडेड वॉरंटी, MoveOS+ आणि एसेन्शियल केअर मोफत मिळणार आहे.
Roadster X सिरीजमध्ये मिड-ड्राइव्ह मोटर आहे, जी कार्यक्षमता आणि सुरक्षितता वाढवते. Roadster सिरीजच्या पॉवरट्रेनमध्ये चेन ड्राइव्ह आणि कार्यक्षम टॉर्क हस्तांतरणासाठी एकात्मिक MCU (मायक्रोकंट्रोलर युनिट) देखील आहे, ज्यामुळे उत्कृष्ट एक्सलरेशन आणि सुधारित रेंज मिळते. Roadster X सिरीजमधील मोटरसायकल्समध्ये फ्लॅट केबल्सचा वापर करण्यात आला आहे – जी उद्योगातील पहिली नावीन्यपूर्णता आहे. या केबल्समुळे पॅकेजिंगची कार्यक्षमता सुधारते, वजन कमी होते आणि थर्मल कार्यक्षमता वाढते, ज्यामुळे एकूण टिकाऊपणा आणि विश्वसनीयता वाढते.
ओला इलेक्ट्रिकचे अध्यक्ष आणि व्यवस्थापकीय संचालक भाविश अग्रवाल म्हणाले, “स्कूटर्स ही फक्त सुरुवात होती. Roadster X हे मोटरसायकलिंग सेगमेंटमध्ये आमचे एक मोठे पाऊल आहे. Roadster X भारतात डिझाइन, इंजिनीअर आणि तयार केले आहे, ज्या पिढीला भविष्यातील बाईक चालवायची आहे त्यांच्यासाठी हे खास तयार केले आहे. आजपासून डिलिव्हरी सुरू झाल्याने, Roadster X २-चाकी श्रेणीतील ईव्हीची खरी क्षमता समोर आणेल, ज्यामुळे ईव्हीचा स्वीकार आणि वापर वाढवून #EndICEAge शक्य होईल.”
Roadster X सिरीज मोटरसायकल तंत्रज्ञानात एक क्रांती घडवून आणते आणि यात सेगमेंटमधील पहिले पेटंटेड ब्रेक-बाय-वायर तंत्रज्ञान सिंगल एबीएससह (अँटी-लॉक ब्रेकिंग सिस्टम) आणि प्रगत रीजनरेशन (पुनर्निर्मिती), क्रूझ कंट्रोल आणि रिव्हर्स मोड यांसारखी स्मार्ट MoveOS ५ वैशिष्ट्ये आहेत. Roadster X सिरीजच्या बॅटरी सिस्टिमला IP67 वॉटरप्रूफ आणि डस्ट-प्रूफ सर्टिफिकेशन मिळाले आहे, तसेच प्रगत वायर बॉन्डिंग तंत्रज्ञान आणि सहज देखभालीसाठी सर्व्हिसेबल बॅटरी मॅनेजमेंट सिस्टिम (BMS) आहे.
Roadster X सिरीजच्या किमती Roadster X 2.5kWh साठी ₹९९,९९९, 3.5kWh साठी ₹१,०९,९९९ आणि 4.5 kWh साठी ₹१,२४,९९९ पासून सुरू होतात. Roadster X+ 4.5kWh ची किंमत ₹१,२९,९९९ आहे, तर Roadster X+ 9.1kWh (4680 भारत सेलसह) जे प्रति चार्ज ५०१ किमीची अतुलनीय रेंज देते, त्याची किंमत ₹१,९९,९९९ आहे.

ओला इलेक्ट्रिक मोबिलिटी लिमिटेड बद्दल –
ओला इलेक्ट्रिक मोबिलिटी लिमिटेड ही भारतातील अग्रगण्य इलेक्ट्रिक वाहन (EV) उत्पादक कंपनी आहे. ईव्ही आणि त्यांचे घटक, ज्यात बॅटरी सेलचा समावेश आहे, त्यांच्या तंत्रज्ञान आणि उत्पादनाच्या उभ्या एकत्रीकरणामध्ये ही कंपनी विशेषीकृत आहे. तामिळनाडूमध्ये असलेली ओला फ्युचरफॅक्टरी, जिथे ईव्ही आणि महत्त्वाचे घटक तयार केले जातात, ती भारतातील सर्वात मोठे ईव्ही हब विकसित करत आहे. याला ओलाच्या बेंगळुरू-स्थित बॅटरी इनोव्हेशन सेंटर (BIC) चा पाठिंबा आहे, जे सेल आणि बॅटरी तंत्रज्ञानाच्या प्रगतीसाठी समर्पित आहे. ओलाचे संशोधन आणि विकास (R&D) प्रयत्न भारत, यूके आणि यूएसएमध्ये पसरलेले आहेत, ज्यात नाविन्यपूर्ण ईव्ही उत्पादने आणि मुख्य घटकांवर लक्ष केंद्रित केले जाते. ओलाकडे संपूर्ण भारतात ४,००० पेक्षा जास्त स्टोअर्स आणि मजबूत ऑनलाइन उपस्थिती असलेले थेट-ग्राहक वितरण नेटवर्क आहे, ज्यामुळे ओला इलेक्ट्रिक देशातील सर्वात मोठे कंपनी-मालकीचे ऑटोमोटिव्ह अनुभव केंद्रांचे नेटवर्क बनले आहे.