पुण्यातील लोकप्रिय वॉटर आणि अॅडव्हेंचर पार्क डायमंड पार्कने पूर्ण केली २५ वर्षांची अद्भुत यात्रा
पुणे. पुण्यातील सर्वात जुन्या आणि प्रतिष्ठित मनोरंजन स्थळांपैकी एक असलेल्या डायमंड पार्क्सने रोमांचकारी अनुभव आणि कुटुंबांसाठी आनंददायी क्षण देत २५ वर्षांचा महत्त्वाचा टप्पा गाठला आहे. २००० साली सुरू झालेल्या या पार्कने हजारो पर्यटकांचे स्वागत केले असून, वॉटर रायड्स, अॅडव्हेंचर स्पोर्ट्स आणि संस्मरणीय सहलींसाठी एक लोकप्रिय स्थळ बनले आहे.
या खास प्रसंगी डायमंड वॉटर पार्कचे व्यवस्थापकीय संचालक अर्जुन इंदुलकर म्हणाले, “हा वाढदिवस केवळ वर्षांचा नाही, तर आम्ही निर्माण केलेल्या आठवणींचा उत्सव आहे. पिढ्यान्‌पिढ्या लोकांचा येथे परत येणारा प्रवास आमच्यासाठी भावनिक आहे आणि त्यातून आमच्या पाहुण्यांशी असलेल्या नात्याचा प्रत्यय येतो. अतुलनीय मनोरंजन अनुभव देण्याची आमची बांधिलकी अधिक दृढ आहे. भविष्यातील रोमांचकारी योजनांसाठी आम्ही उत्सुक आहोत.”
डायमंड पार्क्सने जागतिक ट्रेंडशी सुसंगत राहण्यासाठी नवीन आकर्षणं आणि विद्यमान सुविधा सुधारण्याचा मानस व्यक्त केला आहे. “आमचा उद्देश आमच्या पर्यटकांना नवनवीन अनुभव देण्याचा आहे, तसेच पुण्याच्या मनोरंजन क्षेत्रात आम्ही ज्या विश्वासार्हतेसाठी ओळखले जातो, त्या उच्च निकषांना आम्ही कायम ठेवू,” असेही त्यांनी नमूद केले.
भारतीय अॅम्युझमेंट पार्क्स आणि इंडस्ट्री असोसिएशन (IAAPI) च्या अहवालानुसार, भारतातील मनोरंजन उद्यान उद्योग झपाट्याने वाढत आहे. वाढते उत्पन्न, शहरीकरण आणि उच्च दर्जाच्या मनोरंजनाच्या मागणीमुळे या क्षेत्राचा विकास वेगाने होत आहे. आजच्या काळात ग्राहक साहस आणि विश्रांती यांचा समतोल राखणाऱ्या ठिकाणी सहलीला जाण्यास प्राधान्य देतात, त्यामुळे वॉटर आणि अॅम्युझमेंट पार्क्स कुटुंब सहली, कॉर्पोरेट रिट्रीट्स आणि शालेय सहलींसाठी सर्वोत्तम पर्याय ठरत आहेत.
डायमंड पार्क्सचा २५ वर्षांचा प्रवास या बदलत्या गरजांशी जुळवून घेत सतत नाविन्य आणण्याचा आणि सेवांमध्ये सुधारणा करण्याचा उत्तम नमुना आहे. सुरक्षा, नाविन्य आणि ग्राहक समाधान या तत्त्वांवर आधारित कार्यपद्धतीमुळे पुण्यातील मनोरंजन क्षेत्रात डायमंड पार्क्सने स्वतःस एक अग्रगण्य ब्रँड म्हणून सिद्ध केले आहे. कुटुंबांसाठी, साहसप्रेमींसाठी आणि कॉर्पोरेट समूहांसाठी हे पार्क आजही सर्वात लोकप्रिय निवड ठरते.
Eldrok India ने पुण्याचे ‘लीडिंग एंटरटेनमेंट डेस्टिनेशन’ आणि EGN India ने ‘नं. १ एजुटेन्मेंट डेस्टिनेशन’ म्हणून गौरविलेल्या या पार्कने ISO 9001:2015 प्रमाणपत्र मिळवले आहे. २० हून अधिक वॉटर अॅट्रॅक्शन्स, हाय-एनर्जी अॅडव्हेंचर झोन आणि लहान मुलांसाठी खास इनडोअर प्ले एरिया यामुळे सर्व वयोगटातील पर्यटकांचे हे आवडते स्थळ आहे.
