आळंदीत काळभैरवनाथ महाराज मूर्तीची प्राणप्रतिष्ठा महोत्सव ; मंदिरात लक्षवेधी पुष्प सजावट 

आळंदी ( अर्जुन मेदनकर ) : येथील श्री काळभैरवनाथ महाराज मंदिरात श्रींचे मूर्तीची वज्रलेप देत प्रथा परंपरांचे पालन करीत वेदमंत्र जयघोषात प्राणप्रतिष्ठापना विविध उपक्रमांचे आयोजन करीत धार्मिक कार्यक्रमांचे मोठ्या मंगल भक्तिमय वातावरणात उत्साहात करण्यात आली. श्री काळभैरवनाथ महाराज मंदिरात या निमित्त लक्षवेधी पुष्प सजावट करण्यात आली होती. श्रींचे दर्शनास भाविक, नागरिकांनी मोठी गर्दी करून दर्शन घेतले. प्राणप्रतिष्ठापना महोत्सवाचे निमित्त मंदिर परिसर विद्युत रोषणाईने सजला होता.

मंदिरात वेदमंत्र जयघोषात शांतीयुक्त पठन, महाभिषेक, उत्तरांग हवन, श्रींचे मूर्तीची प्राणप्रतिष्ठापना, बलिदान, कलशारोहन, महानैवेद्य, महाआरती, पूर्णाप्रतिष्ठापना, महाप्रसादाचे मुक्तद्वार वाटप झाले.

येथील श्री ग्रामदेवता काळभैरवनाथ महाराज प्राणप्रतिष्ठापना लोकार्पण सोहळ्याचे आयोजननात श्रावण महिन्याचे पहिल्या सोमवारी ( दि. २८ ) सर्व देवदेवतांची ग्रामप्रदक्षिणा मिरवणूक हरिनाम जयघोषात झाली. या निमित्त भव्य लोकार्पण सोहळ्याचे आयोजन करण्यात आले. लोकार्पण सोहळ्यात सर्व देवदेवतांची ग्रामप्रदक्षिणा मिरवणूक नगरप्रदक्षिणा मार्गावरून हरिनाम जयघोषात धार्मिक प्रथा परंपरांचे पालन करीत झाली. यावेळी झेंडे, तुळशी कलश डोक्यावर घेत लक्षवेधी मिरवणूक झाली. यासाठी भाविक, नागरिकांनी श्रींचे दर्शनास गर्दी केली. भव्य मिरवणूक, नगारखाना फटाक्यांची आतिषबाजी, ढोल, ताशाचा दणदणाट, घंटा ठणठणाट, वारकरी विद्यार्थी हरिनाम गजर, अब्दागिरी, भगवे पताका ध्वज, टाळ, वीणा, मृदंग त्रिनादात श्रींचे मूर्तीची भव्य मिरवणूक रथातून काढण्यात आली. यावेळी नगारखानासह फटाक्यांची आतिषबाजी, ढोल, ताशाचा दणदणाट, घंटा नादेचा ठणठणाट, वारकरी विद्यार्थी यांचा हरिनाम गजर उत्साहात झाला.

लोकार्पण सोहळ्यात मंगळवारी ( दि. २९ ) प्रायश्चित संकल्प गणपती पुण्याहवाचन पंचांग कर्म मंडप प्रवेश सर्व मंडळांची स्थापना अरणी मंथन, नवग्रह हवन, जलधिवास कुटीर हवन महाआरती झाली. बुधवारी ( दि. ३० ) शांतीयुक्त पठण, हवन स्नपन विधी, धान्य अधिवास, श्यधिवास, दीपोत्सव, महानैवेध्य आणि महाआरती झाली. गुरुवार ( दि. ३१ ) शांतीयुक्त पठण, महाभिषेख, उत्तरांग हवन, श्रींचे मूर्तीची प्राणप्रतिष्ठापना, बलिदान कलशारोहन, महानैवेध्य, माहाआरती, पुरणाहुती प्राणप्रतिष्ठापना त्या नंतर श्रींची महाआरतीझाली. महाप्रसादाने धार्मिक मंगलमय उत्साही वातावरणात हरिनाम गजरात श्रींचे मूर्तीची प्राणप्रतिष्ठापना लोकार्पण सोहळा हरिनाम गजरात झाला. यावेळी नागरिक, भाविकांनी या सोहळ्यास दर्शनास गर्दी केली. यावेळी मारुती महाराज कुरेकर, डॉ. नारायण महाराज जाधव यांचा आळंदी ग्रामस्थांचे हस्ते सत्कार करण्यात आला. लोकार्पण सोहळ्यास आळंदीकर ग्रामस्थ यांनी सोहळा यशस्वी होण्यास विशेष परिश्रम घेतले. महाआरती व महाप्रसाद वाटपाने सोहळ्याची सांगता झाली.